Ne ja dedikojmë këtë vend Tre Stolive: Budës, Idealit të Iluminimit që ne aspirojmë; Darmës, Udhës së Mësimit që ne ndjekim; Sangës, Shoqërisë Shpirtërore me njëri tjetrin, që ne gëzojmë. Këtu le të mos flitet asnjë fjalë kot; Këtu le të mos ketë mendime të zhurmëta që të na bezdisin mendjen. Për vëzhgimin e Pesë Parimeve Ne e dedikojmë këtë vend; Për praktikën e Meditimit Ne e dedikojmë këtë vend; Për zhvillimin e Mençurisë Ne e dedikojmë këtë vend; Për arritjen e Iluminimit Ne e dedikojmë këtë vend. Edhe pse në botën jashtë ka grindje Këtu le të ketë paqe; Edhe pse në botën jashtë ka urrejtje Këtu le të ketë dashamirësi; Edhe pse në botën jashtë ka mjerim Këtu le të ketë gëzim. Jo duke kënduar shkrimet e shenjta, Jo duke spërkatur ujin e bekuar, Por me përpjekjen tonë drejt Iluminimit Ne e dedikojmë këtë vend. Rreth kësaj Mandale, kësaj pike të shenjtë, Le të hapen petalet e zambakut të ujit të pastërtisë; Rreth kësaj Mandale, kësaj pike të shenjtë, Le të ngrihet muri i Vaxhra-ve të determinimit; Rreth kësaj Mandale, kësaj pike të shenjtë, Le të ngrihen zjarret që shndërrojnë Samsarën në Nirvana. Këtu ulur, këtu duke praktikuar, Le të bëhet mendja jonë Buda, Le të bëhet mendimi ynë Darma, Le të bëhet komunikimi ynë me njëri tjetrin Sanga. Për lumturinë e të gjitha qënieve, Për të mirën e të gjitha qënieve, Me trup, të folur dhe mendje, Ne e dedikojmë këtë vend.